زرمبش کی طر ف سے ریلیز ہونے والی شریف بیوس کی ہدایت کردہ بلوچی فلم سر مچار کا پہلا اسٹاک ختم ہوچکاہے اگلا اسٹاک آئندہ چند روز میں ریلز ہو رہاہے

کوئٹہ ﴿ پ ر ﴾ زرمبش پبلی کیشنز کے ڈائریکٹر نے اپنے ایک بیان میں کہا ہے کہ زرمبش کی طر ف سے ریلیز ہونے والی شریف بیوس کی ہدایت کردہ بلوچی فلم سر مچار کا پہلا اسٹاک ختم ہوچکاہے اگلا اسٹاک آئندہ چند روز میں ریلز ہو رہاہے خریدار زیادہ قیمت کی ادائیگی نہ کر کے منافع خوروں کی حوصلہ شکنی کریں ۔فلم ڈی وی ڈی اور وی سی ڈی میں اعلیٰ کوالٹی اور پلاسٹک کے کور میں ریلیز کی گئی ہے وی سی ڈی اور ڈی وی ڈی میں فلم کی قیمت ریٹیل میں 80روپے ہے جب کہ ویڈیوسینٹر والوں کے لیے 25فیصد منافع رکھاگیاہے ۔ بعض ذرائع سے زرمبش کے علم میں یہ بات آئی ہے کہ کچھ کاروباری حضرات فلم کی کاپیاں کر کے 300اور کچھ ویڈیوسینٹر اصلکاپی 100روپے میں فروخت کررہے ہیں ۔لہذا تمام خریداروں سے گزارش ہے کہ وہ فلم کی اصل قیمت 80روپے سے زیادہ ہر گز ادانہ کریں تاکہ بلیک مارکیٹنگ کرنے والوں کی حوصلہ شکنی ہواور ادارہ مستحکم بنیادوں پر اپنا کام جاری رکھ سکے ۔ بلیک مارکیٹنگ کرنے والوں اور ویڈیوکی اصل قیمت سے زیادہ وصول کرنے والوں کوتنبیہ کی جاتی ہے کہ وہ ویڈیوکی زیادہ قیمت ہر گز وصول نہ کریں شکایت موصول ہونے پر متعلقہ ویڈیو سینٹر سے زرمبش اپنا اسٹا ک اٹھوالے گا اور آئندہ ان کے ساتھ کسی قسم کی ڈیلنگ نہیں کی جائے ۔